http://romulosandoval2.blogdrive.com/ poetry of romulo sandoval Mon, 07 Feb 2005 06:50:10 PST http://www.blogdrive.com Copyright 2005. Arts Poetry Art http://romulosandoval2.blogdrive.com/archive/24.html Fri, 24 Dec 2004 14:49:29 GMT Mithing rosas na hinaharap sa lagwertang kasaysayan, at sinong bulaan, sinong bulaan ang magbabadya na mag-isa niyang matatagpas, mag-isa niyang mabubunot ang byoletang kasalukuyan? Subalit di ako nag-iisa, at ayaw kong tayo’y muli’t muling lambungan ng lilang umaga kaya’t kabalyero man o poinsettia ang wumawagayway at sa martsa ng hangin, mirasol o dama de noce man ang sumasagpang, bawat tulang pandayin ko ay piko na di hahayaang pumurol, di hahayaang mangalawang. Hunyo 1974 http://romulosandoval2.blogdrive.com/comments?id=24 http://romulosandoval2.blogdrive.com/archive/23.html Thu, 23 Dec 2004 14:47:29 GMT Napopoot tayo pagkat nagmamahal: pagkat tayo’y saksi sa pangangalawang— tulad ng turnilyo—ng obrerong bukal ng ating hininga; sa pangangalirang. lalo kung gapasan, niyang nagpapala sa mga pinitak; sa pag-uumuga ng buto-at-balat: ang kalakhang dukha na ikinadena sa asin at luha. Kaya’t sumusubo ang hurno ng utak, ang apoy sa puso’y lipyang tumatalas— paniwala’t pasyang pinapaling lakas na sa nang-aapi’y ukol ipang-aklas. Napopoot tayo pagkat tayo’y nagmamahal; nagmamahal kaya’t braso’y humahataw. Hulyo 1977 http://romulosandoval2.blogdrive.com/comments?id=23 http://romulosandoval2.blogdrive.com/archive/22.html Wed, 22 Dec 2004 14:33:52 GMT Pagpasok din ang paglabas, kaya’t nang tumikom ang pinto ng bahay matapos kang maghabilin, magpaalam sa mga kasamang iiwan sandali, bumukadkad na mirasol ang mundo sa labas, umiigkas na ngiti kahit sinusuwag ng kombatbuts ang bangas na araw: hanging tumatahip, kambat ng ligasgas, ligamgam ng yapos na ang anas na salubong: pumaloob sa ubod niyang nagpupuyos, danasin ang pusag ng utak at puso na sinasalisod ng itim na noo sa aspalto, burak, lansanga’t pilapil: yagit, ipa, kalyo at basahang kinukulob, binubulok sa karsel ng gabi’t huklubang tagsalat. Sa muling... (more) http://romulosandoval2.blogdrive.com/comments?id=22 http://romulosandoval2.blogdrive.com/archive/21.html Tue, 21 Dec 2004 14:31:23 GMT Paang nililiglig ng gapos na saka, lunod na sa putik bago pa sumampa ang umagang putos-tulyapis at ipa. Pagsubsob ng araw, punso na aalsa Sa mga pinitak ang buntunghininga. Saka papasanin ang sako ng lipak, ang likaw ng utang ay bitbit o sakbat. Sa pag-aantabay, ang supling at kabyak ay may pagkapipil na nag-ambang itak. At ang pawis, dugo’y didildiling mumo sa dilim ng dampa ng mga anino na nagsisidiklap sa taga sa bato: Hangga’t hinuhungkag ang angaw na anglit, sa angaw ring bungo’y aapaw ang karit. Hunyo 1979 http://romulosandoval2.blogdrive.com/comments?id=21 http://romulosandoval2.blogdrive.com/archive/20.html Mon, 20 Dec 2004 14:29:17 GMT Naririto sila, kasahan ng titig mula ulo hanggang paa. Bumbunan ay helmet, mga mata’y bala ng kanyon— bola ng dolyar at piso— kanila ang bungangang bihasang pumakakak na bulak ang uwak at uling ang tagak. Sa bawat daliring punlo ang kuko, tantuing pawis nati’t luha ang ipinanghihinaw at ipinampapabango. Damit nila ay hinabi sa mga himaymay ng gutay na laman, at kimpalkimpal na dugo ang insinya’t burdang nakabudbod sa kwelyo at manggas, lama’t dugo ng laksang anakpawis at kapanalig na kanilang bineberdugo. Gulong ng tanke ang ikinukubli ng suot nilang sapatos na pinakintab... (more) http://romulosandoval2.blogdrive.com/comments?id=20 http://romulosandoval2.blogdrive.com/archive/19.html Sun, 19 Dec 2004 14:26:35 GMT Tauntaon, lumolobo ang kanilang badyet, umiimbulog na parang dyet habang pinauusukan tayo ng dikri at plebisit. At walang tigil silang nagririkrut ng tauhan, nagdadagdag ng armas at lodyistiks na gasolinang pampaningas sa lakas nilang aandap-andap. At nagdidiploy sila ng mas maraming tropa para ipagtanggol daw ang masa sa mga lugar na yakap ng talahib ang mga panga. At naglalagay sila ng mga tsekpoynt kahit sa Metro Manila na kanilang bastyon, hangad daw nilang pigilan ang mga arsonista’t iba pang sabutur. At baril, trantson, tirgas, waterkanon silang lumulusob,... (more) http://romulosandoval2.blogdrive.com/comments?id=19 http://romulosandoval2.blogdrive.com/archive/18.html Sat, 18 Dec 2004 13:02:42 GMT E ano kung tayo daw ang pangatlo sa mga bansang pag nanaginip ay sa salitang-Amerkano? Kaya ba mabilingmabili ang Mills & Boon? At dinudumog tayo, pinag-aagawan ng mga multinasyonal na korporasyon? E ano kung paraiso daw tayo ng magagandang Mis: nakakadalawa nang Miss Universe, tatlong Miss International, dalawang Miss Asia at sangkatutak na Miss Kalamismis at Miss Karinderya? Kaya ba namumutiktik sa turista’t marino ang Ermita, Angeles at Olongapo? At minsan, sa sobrang panggigigil ay kinagat, natagpas ng isang negosyanteng Hapon ang utong ng putang nilalamaslamas? E... (more) http://romulosandoval2.blogdrive.com/comments?id=18 http://romulosandoval2.blogdrive.com/archive/17.html Fri, 17 Dec 2004 12:58:34 GMT Halimbawa, kung nag-aalma ang ‘yong tiyan, P0.15 belekoy o tsuwinggam: hanggang bukas din ‘yang pagpipyestahan, o hanggang sa susunod pang araw. P0.50’y walang kasukat na salawal, pero matuwa ka’t bago pa naman ang ‘yong basahan; buti pa’y ibili ng dyaryo nang makasinghot ng mababangong balita’t anunsyo. gaya ng “Ngayon ay Linggo, maaliwalas ang panahon, hindi babagyo.” ‘Yan kasing lagnat o anumang sakit, dumarating di man hanapin, mag-imbak ng aspirin: P0.35’y tamangtamang gastusin. P1.00’y totoong katakataka, Mantakin mo’ng dulot nitong ginhawa. (“Yung tsuwinggam nga... (more) http://romulosandoval2.blogdrive.com/comments?id=17 http://romulosandoval2.blogdrive.com/archive/16.html Thu, 16 Dec 2004 12:56:34 GMT Darating ang Papa; inaasahang bawat isa, hindi himala bagama’t bigla, ay imakuladang inodoro pagsambot sa ipaaagaw ng bendita. Humahalimuyak ang ulat: ipagpapaliban ng mga prodyuser ang pagbibilad ng bold na pelikula, at sa kanto ng Taft at Libertad, and Impierno ay temporaryong bibirangan. Kahiyahiya sa Papa. Inatasan ang mga Metro Aide na walsin, muli’t mulit, ang mga libaging kalansay sa bangketa, kulapulan ng berde ang mga galising damo. Nakasampay sa mga dila ang hula kung saan ipapasyal ang banal na roba: sa Kapitbahayan o bahay-BLISS? Pagkat walang ipis na... (more) http://romulosandoval2.blogdrive.com/comments?id=16 http://romulosandoval2.blogdrive.com/archive/15.html Wed, 15 Dec 2004 12:53:29 GMT Malaya na kayo, malaya na kayong kung ilang siglo ay nagtiis na busabos at hikahos: malaya na kayo’t di na nakabaon, di na nakapangaw sa mga sakahan at mga pilapil; di na kayo magdidildil ng nilugaw at ng asin habang tinutungga ng poong-maylupa ang pawis n’yo, dugo’t luha. Dapat lamang tumalima sa idinikreto na hulughulugan ang lupang biyaya. (Ipagpaumanhin ang laksang ektarya— iyan lang ang kaya ng lingkod n’yong abang-aba.) Kapag naghingalo at ang upa’y di pa buo, kapalaran ninyong anak ang magmana’t apo ang umako sa utang na labi. Sa bangko’y kaydali ang manghiram ng... (more) http://romulosandoval2.blogdrive.com/comments?id=15